">प्युठानमा नेकपा एमाले अगुवा कार्येकर्ता भेटघाट्मा व्यस्त रहेको छ ।
आफ्नो उम्मेदवारलाई जिताउन एमाले प्युठानले प्रतिनिधि सभा सदस्यका उम्मेदवार सुर्य थापा सहित पालिका, वडा तहमा अगुवा कार्यकर्ता भेटघाट र चुनावी योजना बनाउन जुटेका छन् ।
सोही सन्दर्भमा बिहिवार जिल्लाको स्वर्गद्वारी नगरपालिका, माण्डबी र सरुमारानी गाउँपालिकामा अगुवा कार्यकर्ता भेटघाट गरेको नेकपा एमाले प्युठानका सचिब इन्द्रमणी पोख्रेलले जानकारी दिनुभयो।
भेटघाट कार्यक्रमको अवसरमा फागुन २१ गते हुने निर्वाचनका बारेमा समेत छलफल भएको सचिब पोख्रेलले जानकारी दिनुभयो ।
२०७९ सालको निर्वाचनमा प्यूठानी जनताले ५ वर्षे कार्यकालका लागि जिम्मेवारी सुम्पे पनि ३३ महिनाको छोटो अवधिमै पुनः जनता माझ आएको र आगामी योजना बारे छलफल गरिएको एमाले प्यूठानका अध्यक्ष विजयविराज विष्टले बताउनुभयो ।
२०७० सालदेखि एमालेले संघीय र प्रदेश सदनमा जिल्लाको प्रतिनिधित्व गर्दै प्रतिनिधिको अगुवाईमा भए गरेका काम बारे समिक्षा समेत गरिएको उहाँले जानकारी दिनुभयो ।
एमाले उम्मेदवार थापाले प्युठानका जनताले आफुलाई मत दिएर विजयी बनाउने विश्वास व्यक्त गर्नुभयो ।
उहाँले ३ वर्षको अवधीमा रोकिएको विकासको निरन्तरताको लागि आफ्नो जित आवश्यक रहेको बताउनुभयो ।
