">प्रतिनिधि सभा निर्वाचनका लागि एमाले प्यूठानले ‘कमाण्डर’हरु तोकेको छ ।
आगामी फागुन २१ गते हुने प्रतिनिधि सभा निर्बाचन को लागी जिल्ला सचिबालय बैठकले निर्वाचन परिचालनका लागि नेतृत्व चयन गरेको हो ।
प्रदेश कमिटीमा रहेर पालिका इन्चार्जको भुमिकामा रहनुभएका सदस्यहरुलाई चुनावी अभियानको नेतृत्वको जिम्मेवारी दिएको एमाले प्यूठानका सचिव इन्द्रमणि पोख्रेलले जानकारी दिनुभयो ।
">केन्द्रीय कमिटीका पूर्व सदस्य हरि प्रसाद रिजाल, प्रदेश कमिटीका सचिवालय सदस्य तुल्सीराम शर्मा, प्रदेश कमिटी सदस्यहरु धनबहादुर रायमाझि, नेत्रबहादुर रोकाय, श्रीधर रोका, पुरन गुरुङ, झगबहादुर विश्वकर्मालाई नेतृत्वको जिम्मेवारी तोकेको हो ।
त्यस्तै प्रदेश कमिटी सदस्य लक्ष्मी प्रकाश राजभण्डारी, दिपा घर्ति पौडेल, मानबहादुर जिसी, ज्ञानुमाया केसी र विष्णु बहादुर केसी, अनेरास्ववियुका निवर्तमान उपाध्यक्ष धर्म गिरीलाई चुनावी अभियानको जिम्मेवारी दिएको एमाले प्यूठानले जनाएको छ ।
नेकपा एमालेले निर्वाचन केन्द्रीत दोश्रो चरणको अभियान सनिवार सरुमारनी गाउँपालिकाबाट शुरु गर्दैछ ।
